वर्तमान महाराष्ट्र

Type and hit Enter to search

शिवपूरमध्ये गोठ्याला आग: आगीत होरपळलेल्या म्हशीला हताश होऊन पाणी पाजताना शेतकरी महिला सुमित्रा तेलंगे
लातुरआपला जिल्हाग्रामीण

शिवपूरमध्ये गोठ्याला आग : एका म्हशीचा मृत्यू, शेतकरी कुटुंबाचे लाखो रुपयांचे नुकसान

Avatar of वर्तमान महाराष्ट्र
वर्तमान महाराष्ट्र
25 मे 2026 One Min Read
11 Views
0 Comments

​शिरूर अनंतपाळ: शिरूर अनंतपाळ तालुक्यातील शिवपूरमध्ये गोठ्याला आग लागून एका म्हशीचा होरपळून मृत्यू झाल्याची अत्यंत दुर्दैवी घटना घडली आहे. एका ठिणगीमुळे लागलेल्या या भीषण आगीत दुसरी म्हैसही गंभीर भाजली असून, शेतीचे साहित्य जळून खाक झाल्याने शेतकरी कुटुंबाचे लाखो रुपयांचे मोठे नुकसान झाले आहे.

​शिवपूर (ता. शिरूर अनंतपाळ) येथील शेतकरी सुमित्रा राजेंद्र तेलंगे यांचा शेतातील रस्त्याकडेला जनावरांचा गोठा आहे. अचानक एका ठिणगीमुळे या गोठ्याला भीषण आग लागली. आग इतकी भयंकर होती की, गोठ्यात बांधलेल्या दोन्ही म्हशी शंभर टक्के भाजल्या गेल्या. यामध्ये एका म्हशीचा जागीच तडफडून मृत्यू झाला, तर दुसरी म्हैस अत्यंत गंभीर अवस्थेत आहे. यासोबतच गोठ्यात ठेवलेले शेतीचे महत्त्वाचे साहित्यही आगीच्या भक्ष्यस्थानी पडून जळून खाक झाले आहे.

​सभापतींनी दिली घटनास्थळी भेट; मदतीचे आश्वासन

या दुर्दैवी घटनेमुळे सुमित्रा तेलंगे आणि त्यांच्या कुटुंबावर अचानक मोठे आर्थिक संकट कोसळले आहे. या घटनेची माहिती मिळताच शिरूर अनंतपाळ पंचायत समितीचे सभापती संजय सूर्यवंशी यांनी तात्काळ घटनास्थळी धाव घेत नुकसानीची पाहणी केली. त्यांनी महसूल प्रशासनाला घटनास्थळाचा तातडीने पंचनामा करण्याच्या स्पष्ट सूचना दिल्या आहेत.

​तसेच, नुकसानग्रस्त तेलंगे कुटुंबीयांची भेट घेऊन सभापतींनी त्यांचे सांत्वन केले व त्यांना धीर दिला. शासनाच्या माध्यमातून या नुकसानग्रस्त शेतकरी कुटुंबाला शक्य ती सर्व आर्थिक मदत मिळवून देण्यासाठी आपण स्वतः पाठपुरावा करू, असे ठोस आश्वासनही सभापती संजय सूर्यवंशी यांनी यावेळी दिले.

Tags:

लातूर बातम्यावर्तमान महाराष्ट्रशिरूर अनंतपाळ बातम्याशिवपूरमध्ये गोठ्याला आगशेतकरी नुकसान भरपाईसंजय सूर्यवंशी

Share Article

Avatar of वर्तमान महाराष्ट्र
Follow Me Written By

वर्तमान महाराष्ट्र

Other Articles

tata-power-kamgar-kapat-protest-pune
Previous

टाटा पॉवर कामगार कपात : १० हजार जणांना तडकाफडकी काढले! एकाची आत्महत्या; पुण्यात संतापाचा उद्रेक

barandbench 2025 01 14 8jd0vj3b 06
Next

आसाराम बापू केसमध्ये हायकोर्टाचा सर्वात मोठा निकाल; ८६ व्या वर्षी लागला झटका, सह-आरोपींची पोक्सोतून सुटका!

Next
barandbench 2025 01 14 8jd0vj3b 06
27 मे 2026

आसाराम बापू केसमध्ये हायकोर्टाचा सर्वात मोठा निकाल; ८६ व्या वर्षी लागला झटका, सह-आरोपींची पोक्सोतून सुटका!

Previous
25 मे 2026

टाटा पॉवर कामगार कपात : १० हजार जणांना तडकाफडकी काढले! एकाची आत्महत्या; पुण्यात संतापाचा उद्रेक

tata-power-kamgar-kapat-protest-pune

No Comment! Be the first one.

प्रतिक्रिया व्यक्त करा उत्तर रद्द करा.

आपला ई-मेल अड्रेस प्रकाशित केला जाणार नाही. आवश्यक फील्डस् * मार्क केले आहेत

All Right Reserved!